اعرف كيف تفوز على الجراثيم مع البطل صح في هذا الفيديو
قد سمعت عن الجراثيم؟
طيب تعرف ايش تسوي فيه؟
الجراثيم هي سبب من أسباب المرض
و هي موجودة بس مانقدر نشوفها
لآنها كائنات صغيرة مرة
الجراثيم ممكن تكون موجودة في كل مكان
مثل:
- سطح المطبخ
- يد الباب
- على أجهزة الألعاب
- و الأجهزة اللي نمسكها طول الوقت زي الجوال و التابلت
- و كمان في الحمام
طيب وش دورك أنت؟
اللي عليك تسويه إنك توقف هذه الجراثيم عند حدها
تمنعها من أنها تنتشر
و من أنها تدخل جسمك
وتتسبب في مرضك
لا لا تخاف تقدر بإذن الله تحارب هذه الجراثيم وتهزمها
بس لازم تسوي ثلاث أشياء سهلة وبسيطة
أول شيء
لازم تقوي جسمك
تأكل خضيرات وفواكه
لأن الجسم الصحي يقدر بأذن الله يحارب الجراثيم
ثاني شيء
نغسل أيادينا بالموية و الصابون باستمرار
لازم نغسل أيادينا في كل مرة نلمس الأماكن اللي تعيش فيها الجراثيم
و نتأكد في إننا نفرك داخل اليد و بين الأصابع لمدة 40 ثانية
ثالث شيء
الجراثيم تحب تنتقل بين الناس
فعشان نوقفها
لازم نستخدم المناديل أو باطن المرفق لما نبغى نكح أو نعطس
و طبعاً نغسل أيادينا بعدها
وبس الله يحفظنا و إياكم
