لكل شخص بمجتمعنا، أم فهد تبيك بكلمة راس:
#الوقاية_من_كورونا
أم فهد
أمس النصيحة تشترى و اليوم ماتبغى ببلاش
حنا هالحين بموضوع فيروس كورونا الله يكفينا شره
مانبي منكم إلا أسبوعين بس
أقعدوا في بيوتكم.. زينوا غديكم.. جمعوا عييلكم…لعبوهم
عطوهم بلاي ستيشن.. عطوهم كيرم
ماقصرت حكومتنا الرشيدة
عطتكم إجازة
و إجازة مفتوحة إلين ربي يرفع عنكم البلا
و ماقصرت وزارة الصحة بالإرشادات و التعليم
قالت نظفوا يدياتكم
و غسلوها بالمعقمات
وقالت لنا حتسي جميل
المفروض إنا نتقيد به و نمسك به
ومن اليوم ورايح
ما عاد فيه مصافح
إلى منك دخلت على مجلس فيه عالم
ارفع يديك تسذا
ولاهوب الازم تحب خشمه و لاتحب راسه
ماله داعي هي وصلت السلام وصل
و من اليوم ورايح ياعييلي
أبيكم تلتزمون بكل كلمة تطلع من وزارة الصحة لنا
علشان نلم الموضوع ونحصره
ما ينتشر أكثر مما هو فيه الحين
العالم أكلت بعضها في ذاك
ويالله لك الحمد حنا حصرناه
بس الحكومة تبي دعمكم و مساعدتكم يا عييلي و يا أهلي وناسي
إنكم تقعدون في بيوتكم
إنكم تنكنون هالاسبوعين
زينوا شويهي.. زينوا قهوة..
سولفوا.. نكتوا..
لعبوا البزيرات..
رفهوا عنهم في البيت موب لازم يظهرون
عطلوا مدارسنا.. صكوا كلش
كله لحمايتنا
حنا ما نحافظ على أنفسنا؟!!!
ياخزياه بس!!!
عليكم بالاستغفار
عليكم بالدعاء و النظافة
هذه شروط العافية و الصحة
اللي وزارة الصحة تقولها لنا
و السلام عليكم.
